आठबिसकोटमा गुडिरहेको जिप भित्तामा ठोक्किएपछि ...

रुकुम पश्चिमको आठबिसकोटमा गुडिरहेको एउटा जिप भित्तामा ठोक्किएको छ । 

मंगलबार बिहान आठबिसकोट नगरपालिका ६ दामाचौरमा बा. प. ०१-०२८ च २८५२ नम्वरको जिप सडकको भित्तामा ठोकिएको हो । 

प्रहरीका अनुसार भेरी करीडोर अन्तर्गत जाजरकोट डोल्पा सडकखण्डमा काठमाण्डौँबाट डोल्पातर्फ जाँदै गरेको जीप सडकको भित्तामा ठोकिएको हो । विपरित दिशातर्फबाट आईरहेका पैदल यात्री बचाउने क्रममा उक्त जिप सडकको भित्तामा ठोकिएको बताईएको छ । 

भित्तामा ठोकिएपछि जिपमा आगलागी भएको छ । उक्त जिपमा डोल्पाको मुड्केचुला गाउँपालिकामा हुने शिविरको लागि औषधि रहेको बुझिएको छ । 
उक्त जिपपमा काठमाण्डौ बुढानिलकण्ठ नगरपालिका ८ निवासी ५३ वर्षिय चालक कृष्ण प्रसाद दाहाल र अन्य एक जना रहेको जिल्ला प्रहरी कार्यालय रुकुम पश्चिमले जानकारी दिएको छ । 

उहाँहरु दुवै जना सकुशल रहेको प्रहरीको भनाई छ । भित्तामा ठोकिएको जीपमा आगलागी भएपछि जिप र औषधि जलेर पुर्ण रुपमा नष्ट भएको छ ।