नेपाल खेलकुद महासंघ रुकुम पश्चिमको अध्यक्षमा नेत्र केसी

नेपाल खेलकुद महासंघ रुकुम पश्चिमको दोश्रो जिल्ला अधिवेशन समपन्न भएको छ । 

मंगलबार मुसिकोटमा भएको अधिवेशनले नेत्र केसी अध्यक्षतामा १७ सदस्यीय जिल्ला कार्यसमिति चयन गरेको छ । 

महासंघको उपाध्यक्षमा भिम सार्की र सीताराम देवकोटा, सचिवमा कुबेर जंग खत्री, उसचिवमा नविन खड्का र उषा खड्का र कोषाध्यक्षमा घमण्ड बिसी चयन हुनुभएको छ । सबै कार्यसमिति सर्वसम्मत चयन गरिएको हो । 

अधिवेशनको उद्घाटन सत्रमा नेपाल खेलकुद महासंघ केन्द्रिय कमिटीका स्थायी कमिटी सदस्य एन. बि. बस्नेतको प्रमुख आतिथ्यता रहेको थियो । 

कार्यक्रममा नेपाल खेलकुद महासंघका केन्द्रिय सदस्य लोकेन्द्र मल्ल, नेकपा (एमाले) कर्णाली प्रदेश कमिटी सदस्यहरु टंक प्रसाद ओली, गणेश बिक चिन्तन, कर्ण बहादुर ओली, कर्णाली प्रदेश सभा सदस्य तुलसा मल्ल, नेकपा (एमाले) रुकुम पश्चिमका अध्यक्ष नन्दराम देवकोटा, उपाधयक्ष मनबिर घर्ती, सचिव शशिराम परियार लगायतको आतिथ्यता रहेको थियो ।