जनयुद्ध दिवस मनाएर घर फर्कदै गरेका बृद्धको भिरबाट खसेर मृत्यु

रुकुम पश्चिममा एक बृद्धको भिरबाट खसेर मृत्यु भएको छ । 

जिल्लाको त्रिवेणी गाउँपालिका वडा नम्बर ५  जिवाङका ६८ वर्षीय कृष्णबहादुर ओलीको कोप्चेखोला भिरबाट लडेर मृत्यु भएको हो । 

जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक ऋषि पाठकका अनुसार बिहिबार राती करिब १० बजे लाइत भन्ने ठाउँबाट जनयुद्ध दिवसको आवसरमा आयोजित सहिद दिवस कार्यक्रम मनाएर  घर फर्किने क्रममा ओली भिरबाट लड्नुभएको थियो । उहाँको छाती र टाउकोमा गभिर चोट लागेको थियो । 

भिरबाट करब एक सय मिटर तल खसेका ओलीलाई स्थानीयले उद्दार गरी उपचारको लागि जिल्ला अस्पताल सल्ले ल्याएका थिए । ओलीको उपचारको क्रममा आज बिहान मृत्यु भएको हो ।  

मृतकको शव पाेष्टमार्टम भईसकेको र थप अनुसन्धानको काम भईरहेको प्रहरीले जनाएको छ ।