रुकुम पूर्वमा तीन दिने निशुल्क स्वास्थ्य शिविर हुँदै

रुकुम पूर्वमा तीन दिने निशुल्क स्वास्थ्य शिविर हुन लागेको छ ।

एक एक पाइला फाउण्डेशन र गोपाल बहादुर शाही परिवारको आयोजना तथा सिस्ने गाउँपालिकाको समन्वयमा रुकुमकोटमा यहि मंसिर १८ गतेदेखि २० गतेसम्म शिविर हुन लागेको हो ।

सिस्ने गाउँपालिका र त्यस आसपासका सर्वसाधारणहरुलाई प्रत्यक्ष लाभ हुने गरी शिविर संचालन गर्न लागिएको एक एक पाइला फाउण्डेशनका अध्यक्ष डा. सुमन थापाले जानकारी दिनुभयो ।

शिविरमा आँखा रोग एवम् मोतिबिन्दु शल्यक्रिया, चर्म रोग सेवा, छाति तथा फोक्सो रोग सेवा, कलेजो रोग सेवा, बाल रोग सेवा, जनरल मेडिसिन सेवा दिईने बताईएको छ ।

त्यसैगरी नाम, कान र घाँटी रोग सेवा, सामान्य शल्यक्रिया सेवा, दाँत रोग सेवा, स्त्री तथा प्रसुती रोग सेवा, प्याथोलोजी सेवा र फार्मेसी सेवा समेत शिविरबाट निशुल्क रुपमा प्रदान गरिने आयोजकले जनाएको छ ।

निशुल्क स्वास्थ्य सेवाको लाभ लिन जिल्ला अस्पताल रुकुम पूर्वले अनुरोध समेत गरेको छ । शिविर सिस्ने गाउँपालिका ५ मा रहेको रुक्मिणी माविमा संचालन हुने जनाईएको छ ।