हुकामकी रिमालाई हेलिकप्टरमार्फत उद्दार

रुकुम पुर्वमा एक महिलाको हेलिकप्टरमार्फत उद्धार गरिएको छ ।

जिल्लाको पुथा उत्तरगङ्गा गाउँपालिका ५ हुकाम निवासी १८ वर्षिया रिमा सुनारलाई नेपाली सेनाको हेलिकप्टरमार्फत उद्धार गरेर सुर्खेत पठाईएको हो ।

कार्तिक २० गते सुत्केरी हुने क्रममा स्वास्थ्यमा जटिलता देखिएपछि सुनारलाई थप उपचारका लागि नेपाली सेनाको हवाई साधनमार्फत कर्णाली प्रदेश अस्पताल सुर्खेत पुर्‍याइएको हो।

प्रमुख जिल्ला अधिकारी कोपिला राईका अनुसार महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालय द्वारा राष्ट्रिय महिला सशक्तीकरण परियोजना अन्तर्गत गर्भवती तथा सुत्केरी महिलाका लागि सञ्चालित हवाई उद्दार कार्यक्रममार्फत उनको उद्दार गरिएको हो।

हवाई उद्धारका लागि जिल्ला प्रशासन कार्यालय रुकुम पुर्व, पुथा उत्तरगङ्गा गाउँपालिकाका प्रमुख प्रशासकीय अधिकृत, स्वास्थ्य शाखा प्रमुखलगायतले आवश्यक समन्वय तथा सहजीकरण गरेका थिए।