समस्या यकिन गरेर समाधानका लागि योजना बनाउन  मन्त्री बादीको निर्देशन

नेपाल सरकारका महिला, बालबालिका, लैङ्गिक तथा यौनिक अल्पसङख्यक र सामाजिक सुरक्षा मन्त्रीसीता बादीले महिला तथा बालबालिकाको क्षेत्रमा भएका समस्या पहिचान गरेर र समाधानका लागि
समेत एकिकृत योजना बनाउन आवश्यक रहेको बताउनुभएको छ ।

बिहिबार जिल्ला प्रशासन कार्यालयमा विभिन्न कार्यालय प्रमुखहरुसँग भएको अन्तरक्रियाकार्यक्रममा मन्त्री बादीले समस्या मात्र नदेखाएर समाधानका उपायहरु समेत उल्लेख गर्न निर्देशन दिनुभयो । उहाँले महिला, बालबालिका, लैङ्गिक तथा यौनिक अल्पसङख्यक र सामाजिकसुरक्षाको सवालमा के कस्ता बिषयमा समस्या छन् र कसरी समाधान गर्न सकिन्छ भनेर र प्रत्यक्ष रुपमाजानकारी लिन जिल्ला आएको उहाँले बताउनुभयो ।

बिशेष गरेर कर्णालीका महिलाहरु विभिन्न कारणले पीडित हुन पुगेको बताउँनुहँदै मन्त्रीबादीले महिलाहरुलाई आत्मनिर्भर र स्वरोजगार बनाउन आवश्यक रहेको बताउनुभयो ।
सशक्तिकरणका लागि विभिन्न तालिम सञ्चालन गर्ने तर तालिमपछि के गर्ने भन्ने बिषयमायोजना नहुँदा कामको परिणाम नआएको उहाँको भनाइ छ ।

जिल्लामा अपांगता पुर्नस्थापना केन्द्र, महिला सेल, दलित सेल लगायतका संरचनाकोआवश्यकताको सवाल आफ्नो प्राथमिकतामा रहेको उहाँले बताउनुभयो । कर्णालीमाबालविवाह, कुपोषण, बालश्रमलगायतको समस्या रहेकोले यसको तथ्यांक र सचेतिकरणतर्फ ध्यान दिन जरुरी रहेको उहाँले उल्लेख गर्नुभयो ।

सरकारले जोखिममा परेका बालबालिकाहरुको लागि अस्थायी सेवा केन्द्र समेत सञ्चालन गरेको जानकारी दिनुहुँदै उहाँले भन्नुभयो,“तथ्यांक संकलन गरौ, समस्या पहिचान गरौ रसमाधानका उपाय पनि खोजौ, सबै मिलेर समस्या समाधान गर्न सक्छौ ।” वालविवाह अन्त्य गर्नुपर्ने, विगतमा बालविवाह भैसकेकाहरुको विवरण यकिन गरेर उनीहरु लक्षित कार्यक्रम सञ्चालन गर्नुपर्ने उहाँले जनाउनुभयो ।

सरकारले शिशु तथा मातृ शिशु कार्यक्रमका प्रभावकारी कार्यक्रम ल्याउने तयारीमा रहेको समेत उहाँले बताउनुभयो । मन्त्री बादीले भूकम्पले प्रभावित बालबालिका, महिला, एकल महिलाहरुको तथ्यांक संकलन गर्न समेत र्निदेर् शन दिनुभयो । आजै उहाँले जिल्लाको त्रिवेणी, सानीभेरी र चौरजहारी नगरपालिकामा विपद् प्रभावित महिला, बालबालिका तथा दलित समुदायसँग अन्तरक्रिया गर्ने कार्यक्रमरहेको छ ।

कार्यक्रममा प्रमुख जिल्ला अधिकारी निशानराज गौतमले जिल्लाको समग्र शान्ति सुरक्षा विकास निर्माणको अवस्थाबारे जानकारी गराउनुभएको थियो। त्यसैगरी जिल्लामा बालबालिका महिला अपाङ्गता भएका व्यक्तिहरूको अवस्था, समस्या र समस्या समाधानका उपायहरु बारेमा पनि प्रमुख जिल्ला अधिकारी गौतमले मन्त्री बादी समक्ष जानकारी गराउनुभएको थियो ।