नेजाका पूर्व अध्यक्ष आचार्यद्वारा जन्मदिनको दिन बाढी पीडितलाई एक लाख सहयोग

नेपाल–अमेरिका पत्रकार संघ (नेजा) का पुर्व अध्यक्ष पत्रकार भोला आचार्यले भोटेकोशी बाढी पीडितको लागि एक लाख रकम सहयोग गर्नुभएको छ ।

रुकुम पश्चिमको चौरजहारी नगरपालिका १ घर भई हाल अमेरिकामा रहनु भएका पत्रकार आचार्यले भदौ १० गते रसुवाको भोटेकोसी नदिमा आएको विनाशकारी बाढीबाट पीडितको उद्धार, राहत तथा पुनर्स्थापनाका लागि प्रधानमन्त्री दैवी प्रकोप उद्धार कोषमा एक लाख तीन रुपियाँ रकम जम्मा गर्नुभएको हो ।

उहाँले आफ्नो जन्मदिनको अवसर पारेर उक्त रकम सहयोग गर्नुभएको हो । आचार्यले जन्मदिनको अवसरमा हालै जन्मभूमिमा घटेको अकल्पनीय पीडामा आफ्नो हात बढाउन पाएकोमा आत्मसन्तुष्टी मिलेको बताउनुभयो । उ

हाँले असैह्य पीडामा मल्हम लगाउने कुरामा आफ्नो र परिवारकोतर्फबाट गरेको सहयोगले कहिकतै थोरै भएपनि सहयोग पुर्याउने विश्वास लिएको उल्लेख गर्नुभयो ।

उहाँले विपद्को यो घडीमा हातेमालो गर्न र दुःखमा परेकाहरूलाई साथ दिन सहयोग गरेको जानकारी दिनुभयो । नेजाका पूर्व अध्यक्ष भोला आचार्य अमेरिकामा रहेर नेपाली पत्रकारिता तथा नेपाली समुदायसँग सम्बन्धित सञ्चार गतिविधिमा सक्रिय हुनुहुन्छ ।

द्वन्द्व पत्रकारितामा बिशेष दखल राख्नु भएका आचार्यले नेपालको सशस्त्र द्वन्द्वबारेमा नजिकबाट रिपोर्टिङ गरेर अन्तर्राष्ट्रिय जगतको ध्यान खिच्नु भएको थियो । यसका साथै नेपालका विभिन्न सामाजिक घटनाक्रमलाई नजिकबाट नियालेर उत्कृष्ट रिपोर्ट तयार गर्दै समस्या समाधानका लागि उदाहरणिय कार्य गर्दै आउनु भएको छ । 

नेजा अमेरिकामा रहेका नेपाली सञ्चारकर्मी पत्रकारहरूको साझा संस्था हो। यसको मुख्य उद्देश्य अमेरिका तथा नेपालमा रहेका नेपाली पत्रकारहरूबीच सहकार्य, सम्पर्क र पेशागत सम्बन्ध विस्तार गर्नु तथा नेपाली पत्रकारिताको विकासमा योगदान गर्नु हो।