डिग्रे साईकुमारी सहकारीद्वारा बाढी पीडितलाई १ लाख ११ हजार १११ रुपियाँ सहयोग

रुकुम पश्चिममा रहेको डिग्रे साइकुमारी बचत तथा ऋण सहकारी संस्थाले भोटेकोशी बाढी पीडितको लागि एक लाख बढी रकम सहयाेग गरेको छ ।

सहकारीले बाढी पीडितको लागि १ लाख ११ हजार १११ रुपियाँ सहयाेग गरेको हो । सहकारीका प्रबन्धक यज्ञ बहादुर बिष्टले उक्त रकम प्रधानमन्त्री दैवी प्रकोप उद्धार कोषमा जम्मा गरेको जानकारी दिनुभयो ।

उहाँले बाढी पीडितको उद्धार, राहत तथा पुनर्स्थापनाका लागि  सो रकम जम्मा गरेको जानकारी दिनुभयो। विपद्को बेला हातेमालो गर्न र दुःखमा परेकाहरूलाई साथ दिन सहकारीले सो सहयोग गरेको हो । 

सहकारीले विपदको बेला सबै एक हुन र सकेको सहयोग गर्न समेत अनुराेध गरेको छ ।