सानीभेरी ८ मा जेन-जी भेला सम्पन्न, बाटो निर्माण गर्न सुरु

रुकुम पश्चिमको सानीभेरी गाउँपालिका वडा नम्बर ८ मा जेनजीहरुको भेला सम्पन्न भएको छ । ‎आफ्नो गाउँ आफै बनाउनु पर्ने मान्यताका साथ उपस्थित जेनजीको भेलाबाट मदन ओलीको अध्यक्षतामा १५ सदस्यीय जेनजी समुह चयन गरिएको छ ।

जसको उपाध्यक्षमा ओमबहादुर केसी, सचिवमा विजय बिक, कोषाध्यक्षमा बिनोद बिक, सहसचिव गोविन्द केसी चयन हुनु भएको छ । समितिको सदस्यहरुमा अमृत ओली, ‎टेकराज ओली, पलभान ओली, शंकर विक, केशर बि.क., ‎चन्द्र प्रकाश बुढाथोकी, प्रेमप्रकाश बि.सी., डिल्लीरमन विश्वकर्मा र चन्द्रबहादुर बुढाथोकी रहनुभएको छ । 

समिति निर्माण लगत्तै बसेको बैठकले गाउँका बाटो निर्माण गर्ने, विकास र समृद्धिका कार्यहरु सञ्चालन गर्ने, सुशासन स्थापनाका लागि सक्रिय रहने निर्णय गरेको अध्यक्ष मदन ओलीले जानकारी दिनुभयो । उहाँका अनुसार समितिको निर्णयपछि सानीभेरी गाउँपालिका वडा नम्वर ८ चौर बजारदेखि टाकुरा माथिल्लो आमडाँडा सम्मको पैदल बाटोलाई चौडा बनाउने काम सुरु गरिएको छ । 

‎वडाका सबै जेनजी तथा युवाहरुको निर्णयअनुसार युवाहरूको श्रमदान तथा आर्थिक सहयोगबाट उक्त बाटो निर्माण गरिने अध्यक्ष ओलीले जानकारी दिनुभएको छ । सोमबार बिहानैदेखि सबै युवाहरू भेला भई काम सुरु गरिएको हो ।