घापागारस्थित कुसारीको घरमा आगलागी, दुई लाखको क्षती

रुकुम पश्चिमको सानीभेरी गाँउपालिका -५ स्थित एक घरमा आगलागी भएको छ । 

बुधबार दिउँसो घापागारका धीरेन्द्र कुसारीको तीन कोठे, एक तले खराले छाएको घरमा आगलागी भएको हो । 

जिल्ला प्रहरी कार्यालयका अनुसार आगलागीबाट करिब दुई लाख बराबरको क्षती भएको छ । 

घरसँगै कुसारीको घरमा रहेको सोलार सेट, लत्ताकपडा,अन्नपात, मौरि घार समेत जलेर खरानी भएको प्रहरीको भनाई छ । 

घरमूली कुसारी रोजगारीको क्रममा श्रीमतीसहित भारतमा रहनु भएको छ।

घरमा बच्चाहरु मात्रै बस्ने गरेतापनि आगलागीको समयमा भने कोही पनि नरहेको तर एक्कासी आगलागी भएको बताइएको छ ।