सोसल मिडिया
रुकुम पश्चिमको सानीभेरी गाउँपालिकामा १७ औ गणतन्त्र दिवसको अवसरमा वृक्षारोपण र फलफुल बितरण गरिएको छ । नदि तटिय क्षेत्रमा पुरक वृक्षारोपण क्रियाकलप अन्तर्गत फुक्रुजिउलामा चार जातका ११ सय बिरुवा रोपिएको डिभिजन वन कार्यालयका प्रमुख शेरबहादुर परियारले जानकारी दिनुभयो । प्रमुख परियारका अनुसार इपिल, सिमल, गोल्मर र सिसौ जातका बिरुवा लगाइएको छ । त्यस्तै गणतन्त्र दिवसको अवसरमा उपचाररत बिरामीहरूलाई फलफूल पनि वितरण गरिएको छ । सानीभेरी गाउँपालिकाले पालिकाका अस्पताल छोटेबगरमा उपचाररत बिरामीहरूलाई फलफूल वितरण गरेको हो ।
वृक्षारोपण कार्यक्रममा डिभिजन वन कार्यालयका कार्यालय प्रमुख शेरबहादुर परियार, गाउँपालिकाका कार्यवाहक अध्यक्ष तथा ९ नम्बर वडा अध्यक्ष शेर बहादुर खड्का, प्रमुख प्रशासकीय अधिकृत दिपक बुढाथोकी, ७ नम्बर वडाका कार्यवाहक वडा अध्यक्ष देउमा भण्डारी लगायत गाउँपालिका विभिन्न वडाका जनप्रतिनिधिहरु कर्मचारी तथा स्थानीयहरुको उपस्थिति रहेको थियो ।
