रुकुमबाट काठमाडौं जाँदै गरेको गाडी बाग्लुङ सिमानामा दुर्घटना

रुकुम पूर्व र बाग्लुङ जिल्लाको सिमाना पाथिहाल्ने नजिकै दुर्घटना भएको छ । 

रुकुम पूर्वको रुकुमकोटबाट काठमाडौंको लागि छुटेको एसी सिल्पर गाडी र विपरित दिशातर्फबाट आएको डबल क्याप बोलेको एक आपसमा ठोक्किएर दुर्घटना भएको हो । 

रुकुमकोट यातायात सेवा प्रा.लि.का तिलक खड्काले दिनुभएको जानकारी अनुसार रुकुमकोटबाट काठमाडौं जाँदै गरेको लु.प्र.०२-००१ ख ०६५३ नम्वरको बस र विपरित दिशाबाट आएको लु १ ज ४५२६ नम्वरको बोलेको एक आपसमा ठोक्किएका छन् । 

दुर्घटनामा कुनै पनि मानविय क्षति भएको छैन । दुवै गाडीहरुको अगाडीको भागमा क्षति पुगेको छ । 

तिब्र गतिमा आएको बोलेरो जिपले आफ्नो साईड भन्दा विपरित तर्फको सडक मिचेको कारण कारण एक आपसमा ठोकिन गएको प्रत्यक्षदर्शीहरुले बताएका छन् । 

दुर्घटना स्थलमा प्रहरी पुगिसकेको छ भने पुरा विवरण आउन बाँकि रहेको छ । 

दुर्घटनास्थलको भिडियो :