रुकुमबाट डोल्पा जाँदै गरेको जिप दुर्घटना हुँदा ९ जना घाईते
रुकुम पश्चिमबाट डोल्पा जाँदै गरेको जीप दुर्घटना भएको छ ।
रुकुमको त्रिवेणीबाट डोल्पाको मुड्केचुला गाउँपालिका –१ भोटतर्फ जाँदै गरेको जीप आज (सोमबार) साँझ दुर्घटना भएको हो ।
कर्णाली प्रदेश ०२–००१ च ०४२८ नम्वरको जिप दुर्घटना हुँदा नौ जना घाईते भएका छन् । घाईतेहरुलाई उपचारको लागि रुकुम पश्चिमको आठबिसकोटस्थित नगर अस्पतालमा ल्याईएको छ । आठबिसकोट नगरपालिकाका प्रहरी सहायक निरीक्षक (असई) टोपबहादुर ओलीका अनुसार घाईते मध्य एक जनाको अवस्था गम्भिर रहेको छ ।
घाईते हुनेहरुमा रुकुम पश्चिमको आठबिसकोट नगरपालिका ५ निवासी १७ वर्षीय महेश मल्ल, आठबिसकोट ६ का १६ वर्षीय गणेश बोहरा, डोल्पा जिल्लाको मुड्केचुला गाउँपालिका १ निवासी ४२ वर्षीय पञ्चराम रोकामगर, सोहि स्थान निवारी १६ वर्षीय प्रविण रोकामगर र मुड्केचुला ३ निवासी २६ वर्षीया अन्जिता सिंह शाही रहेको नगर प्रहरी असई ओलीले जानकारी दिनुभयो ।
त्यसैगरी दुर्घटनामा परेर जाजरकोटको भेरी नगरपालिका १ निवासी २० वर्षीया उर्मिला राना, भेरी नगरपालिका १२ निवासी १८ वर्षीया सम्झना बुढा, नलगाड नगरपालिका १२ निवासी १९ वर्षीय अबिन शाही र वडा नम्वर १३ निवासी १८ वर्षीय सुर्य मल्ल घाईते हुनुभएको छ ।
घाईतेहरु मध्य अन्जिता सिंह शाहीको अवस्था गम्भिर रहेको छ । उहाँलाई थप उपचारका लागि नेपालगञ्जतर्फ लिईएको छ । जीप चालक आकाश शर्मा सम्पर्कमा नरहेको र दुर्घटनाको कारणबारे थप अनुसन्धान भईरहेको बताईएको छ ।
जलजलामा जिप दुर्घटना हुँदा मृत्यु भएका २० जनाको पहिचान खुल्यो
जलजलामा जीप दुर्घटना: १७ जना तिर्थयात्रुको घटनास्थलमै मृत्यु
आठबिसकोटमा जीप दुर्घटना हुँदा १३ जना घाईते, तीन जनाको अवस्था गम्भिर
आठबिसकोटमा मोटरसाईकल दुर्घटना हुँदा दुई युवा घाईते
रुकुममा ट्याक्टरले ठक्कर दिँदा सडक छेउमा खेलिरहेका बालकको मृत्यु
यी हुन् सल्यानमा भएको जन्ती बस दुर्घटनाका मृतक र घाईतेहरु (विवरण)