आठबिसकोटमा जीप दुर्घटना हुँदा १३ जना घाईते, तीन जनाको अवस्था गम्भिर

रुकुम पश्चिमको आठबिसकोट नगरपालिका ९ सुन्दरपानीमा यात्रुबहाक जीप दुर्घटना भएको छ ।

मंगलबार बेलुका आठबिसकोटको ९ को राडीबजारबाट घर्तीगाउँतर्फ जाँदै गरेको ग २ च ५२१३ नम्वरको जीप सुन्दररपानी नजिकै दुर्घटना भएको हो ।

जिल्ला प्रहरी कार्यालयका प्रमुख,प्रहरी नायब उपरीक्षक (डिएसपी) अनुसार दुर्घटनामा परेर १३ जना घाईते भएका छन् । उनीहरुलाई उपचारको लागि आठबिसकोट नगर अस्पतालमा ल्याईएको छ । घाईते मध्य तीन जनाको अवस्था गम्भिर रहेको डिएसपी पौडेलले जानकारी दिनुभयो ।

दुर्घटनाका प्रत्यक्षदर्शीका अनुसार जीपमा करिब १९ बढी यात्रुहरु रहेका थिए । उनीहरुको उद्धार भईरहेको छ । घाइतेको पहिचान बारे प्रहरीले विवरण संकलन गरिरहेको बताईएको छ ।

घटनास्थलमा नेपाल पप्रहरी टोली र आठबिसकोट नगर प्रहरीको टोलि पुगेको छ । अन्य पनि घाइते भएको र उनीहरुलाई उद्धार कार्य जारी रहेको बताईएको छ ।