मोटरसाईकल दुर्घटनामा चौरजहारीका वडा अध्यक्ष बोहरा घाइते

रुकुम पश्चिमको चौरजहारी नगरपालिका वडा नम्बर ६ का वडा अध्यक्ष घाइते हुनुभएको छ । वडा अध्यक्ष जय प्रकाश बोहरा घाइते हुनुभएको हो ।

आज बिहान चौरजहारीबाट मुसिकोटतर्फ जाँदै गर्दा सानीभेरी गाउँपालिका १ को चाइनाबगरमा वडा अध्यक्ष सवार कर्णाली प्रदेश ०२००१ प ९०७८ नम्बरको मोटरसाइकल दुर्घटना भएको हो ।

घाइते वडाध्यक्ष बोहरालाई उपचारको लागि चौरजहारी अस्पतालमा पुर्याइएको छ । चौरजहारी नगरपालिकाका प्रमुख पुष्प वादीले वडाध्यक्ष बोहराको अनुहार र खुट्टाको भागमा चोट लागेको जानकारी दिनुभयो । उहाँ खतरामुक्त हुनुहन्छ।

दुर्घटनाको कारण खुलेको छैन । बाटोमा जमेको शीतको कारण चिप्लिएर दुर्घटना भएको हुनसक्ने बताइएको छ ।

घाइते वडा अध्यक्ष बोहरालाई नगर प्रमुख पुष्प बादी, उपप्रमुख ईश्वरी शर्मा विएम, निमित्त प्रमुख प्रशासकीय अधिकृत शेर प्रसाद ढकाल, नेपाली कांग्रेसका जिल्ला सदस्य तथा संगठन विभाग प्रमुख यदु कुमार आचार्य, चौरजहारी नगर सभापती प्रेम बहादुर ओली, किसान संघका जिल्ला अध्यक्ष गणेश प्रसाद शर्मा, चौरजहारी उद्योग वाणिज्य संघका पूर्व अध्यक्ष तेज बहादुर बिष्ट लगायतले अस्पतालमै भेटेर स्वास्थ्य लाभको कामना गर्नुभएको छ ।