सोसल मिडिया
गजल
तिमीले सम्झेको बेला भईहाल्छु म तिम्राहरुसँग भेला भईहाल्छु ।
राखेर हिँडिरहे छातीमा रङ्गमञ्च कसै न कसैको खेला भईहाल्छु ।
मिलाएर कोरे उनको भाग्यरेखा म छँदैछु एक हत्केला भईहाल्छु ।
नपरोस् आमाको आँखामा धुलो बरु हरक्षण म परेला भईहाल्छु ।
तिमी हुँदा सबैकी प्रिय जो थियौ म हुँदा त सबैको हेला भईहाल्छु ।
बेचेर एकपटक आफू आफैँलाई कसैको श्रमको जेला भईहाल्छु ।
- सानीभेरी गाउँपालिका -१ बुकिचौर, रुकुम पश्चिम ।
