राजा क्रिएसन घरमा आईपुग्यो दसैं तिहारको मार्मिक गीत (भिडियोसहित)

दसैं तिहारलाई लक्षित गरेर तयार गरिएको मार्मिक 'दसैं तिहार'को बोलको गीत सार्वजनिक भएको छ । 

राजा क्रिएसन घर युट्युब च्यानलबाट उक्त गीत सार्वजनिक गरिएको हो  उक्त भिडियो गीत रुकुमेली सर्जक निखिल खड्काको शब्द र सञ्चारकर्मी अमररमज पुन लय रहेको ‘दशैं तिहारको, म त प्रदेश ए मेरी पियारी न त टुङ्गो भयो पीआरको’ गीत भिडियो सहित सार्वजनिक भएको हो ।

पछिल्लो समय अमेरिकी मुलुक र युरोपियन देशमा जानेको लहर बढीरहेको बेला पिआरलाई जोडेर गीत निर्माण गरिएको बताइएको छ । धन कमाउने आश राखेर आफ्नी पियारीलाई गाउँमै छाडेर पिआरको सपना बुन्दै प्रदेशमा दुःख भोग्नुपरेको पीडा यो गीतको शब्दमा चित्रण गरिएको छ ।

अर्कोतिर गाउँमा भएको पियारीले आफ्नो पियाराले पिआर पाउने कुरामा विश्वास गरिएको छ । यिनै शब्द सँगै माया प्रेम र सुख दुःखका भावलाई दशैं तिहारसँग जोडेर परदेशी र घरदेशी बीचको सम्बन्धलाई स्थापित गराउन खोजिएको छ । 

यस गीतमा निखिल खड्काको शब्द, अमरराज पुनको लय तथा विष्णु खत्री र दीपिका बयम्बुको सुमधुर आवाज रहेको छ ।

यस गीतमा जय देवकोटा र रिना गुरुङको अभिनय रहेको छ । प्रविण थापाको निर्देशन र सरोज शाहीको छायाङ्कन रहेको गीतमा भिडियो सम्पादन अनिल राणाले गर्नुभएको छ ।