पशुपति रिजालको 'टाढा छु' लोकप्रिय बन्दै

सर्जक तथा संगीतकार पशुपति रिजाल (प्रिन्स) को 'धेरै छु टाढा' बोलको गीत हालै सार्वजनिक भएको छ । १० सेप्टेम्बर २०२४ मा युटुब मार्फत सार्वजनिक भएको यस भिडियो गीतले नेपाली संगीत प्रेमीहरूको ध्यान खिच्न सफल भएको छ । 

पशुपति इन्टरटेनमेन्टको प्रस्तुतिमा निर्माण गरिएको यस गीतमा प्रमोद खरेल र रचना रिमालको स्वर रहेको छ भने गीतका शब्द र संगीतका स्रष्टा पशुपति रिजाल (प्रिन्स) हुनुहुन्छ । उहाँले आफ्नो विशिष्ट शैलीमा यस गीतलाई जीवन्त बनाउनुभएको छ ।  

गीतमा प्रेम, दूरी, र सम्बन्धको भावनालाई प्रभावकारी तरिकाले प्रस्तुत गरिएको छ। श्रोता दर्शकहरूले गीतका गहिरा शब्द र मर्मस्पर्शी धुनलाई अत्यधिक मन पराइरहेका छन्। यस गीतमा संगीत संयोजन सुनील परियारले गर्नुभ्एको छ भने मिक्सिङ र मास्टरिङ बिमल चिनालले गर्नुभएको छ । यस गीतलाई ओजोन स्टुडियोमा रेकर्ड गरिएको हो। 

गीत सार्वजनिक भएको केही दिनभित्रै यसले स्रोता दर्शकको राम्रो भ्यूज पाएको छ । गीतमा सुरेश कोहली र स्मारिका ढकालको अभिनय रहेको छ । संगीतप्रेमीहरूका लागि यो गीत प्रेम र दूरीका भावनाहरूसँग गहिरो सम्बन्ध राख्न सफल भएको छ। 

यस गीतका रचनाकार र संगीतकार पशुपति रिजाल (प्रिन्स) नेपाली संगीत उद्योगका एक कुशल संगीतकार र गायक हुनुहनछ । उहाँले धेरै सफल गीतहरू सिर्जना गर्नुभएको छ । उहाँ गीत संगीतका अलावा संगीत निर्देशनमा पनि विशेष रुचि राख्नुहुन्छ । 

हाल अमेरिकामा रहनुभएका प्रिन्सले नेपाली संगीतमा योगदान दिईरहनुभएको छ ।  
भिडियो :