रुकुमका पत्रकार अमरराजको तिजकाे कोसेली 'तिजको बेला रमाइलो' बजारमा

रुकुम पश्चिम । नेपाली नारीहरुको विशेष पर्वलाई लक्षित गरि तिज कोसेली 'तिजको बेला रमाइलो' बोलको गीत सार्वजनिक भएको छ ।

नेपाल टेलिभिजनमा कार्यरत पत्रकार अमर राज पुनको थेगो र शब्द लेखन, जय देवकोटाको लय तथा गायिका मिना लामाको आवाजमा 'तिजको बेला रमाइलो' बोलको गीत सार्वजनिक भएको हो ।

पछिल्लो समय बजारमा आउने तिजका गीतमा मौलिकता हराउँदै गएकाले नारीहरुको तिज पर्वलाई विशुद्ध तिजमा चित्रण गर्ने गरि गीत निर्माण गरिएको पुनको भनाइ छ । पछिल्लो समय तिजको नाममा सृजना गरिएका केहि तिज भाकाहरु विवादित भईरहेको बेला पुनले मौलिक तथा बिशुद्ध तिज लक्षित गित तयार पार्नुभएको हो । 

देश तथा विदेशमा रहनुभएका नेपाली महिला दिदिबहिनीको जमघटलाई थप रमाइलो बनाउन, नाच्न, नचाउन र सुख दुःख भुलाउन तिजको शब्द लेखन गरेको छु शब्द सर्जक पुनले जानकारी दिनुभयो । 

यस गीतको भिडियोमा सगुन थापाको मुख्य अभिनय रहेको छ । शब्द सर्जक पुनकै युट्युब च्यानल राजा क्रियशन घरबाट गीत बुधवार साँझ सार्वजनिक भएको हो । 

भिडियो :