रुकुममा नमूना मतदान कार्यक्रम सम्पन्न

रुकुम पश्चिममा नमूना मतदान कार्यक्रम सम्पन्न गरिएको छ । जिल्ला निर्वाचन कार्यलय रुकुमद्वारा मुसिकोट नगरपालिका ५ स्थित यमुना नन्द नमूना माविमा नमुना मतदान कार्यक्रम सम्पन्न गरिएको हो ।

आगामी बैशाख ३० गते हुने स्थानीय तहलाई लक्षित गरेर नमूना मतदान कार्यक्रम गरिएको जिल्ला निर्वाचन अधिकारी कुमारी रिमा मल्लले जानकारी दिनुभयो । उहाँका अनुसार मतदाता शिक्षा कार्यक्रम पनि हुने र बदरमत हुन सक्ने सम्भावनालाई कम गर्न सन्देश प्रवाह गर्ने उद्धेश्यले नमूना मतदान कार्यक्रम राखिएको हो ।

नमूना मतदान कार्यक्रममा स्थानीय मतदाताहरुले मतदान गरेको निर्वाचन कार्यालयले जनाएाको छ । खास मतदानको दिनमा गरिने सबै प्रक्रिया पुरा गरेर नमूना मतदान कार्यक्रम सम्पन्न गरिएको हो ।

सुरक्षा व्यवस्था, कर्मचारी व्यवस्था, मतपत्र, मतपेटिका लगायतका सम्पूर्ण प्रक्रिया पुरा गरेर नमूना मतदान कार्यक्रम गरिएको हो । मतपेटिकामा चुनाव चिन्हहरु भने सांकेतिक रुपमा राखिएको निर्वाचन अधिकारी मल्लले बताउँनुभयो ।

उहाँका अनुसार मत बदर नहुने गरेर मतदान गर्न मतदाता शिक्षा कार्यक्रमको आवश्यकता रहेको छ ।